Մեծ Բրիտանիայի իշխանությունները որոշել են Թեմզայի վրա օդանավակայան չկառուցել. ավիափոխադրումների կառավարական հանձնաժողովը դեմ է արտահայտվել գաղափարին:
Բրիտանական մայրաքաղաքից դեպի արեւելք արհեստական կղզու վրա օդանավակայան կառուցելու ծրագիրն ավելի վաղ հավանության էր արժանացրել Լոնդոնի քաղաքապետ Բորիս Ջոնսոնը: Ըստ BBC-ի ռուսական ծառայության, Ջոնսոնի ներկայացուցիչը հանձնաժողովի որոշումն անհեռանկարային է որակել:
Տարածքում, որտեղ նախատեսվում էր օդանավակայան կառուցել, մի քանի հազվագյուտ տեսակի կենդանիներ են բնակվում: Բացի այդ, չորս թռիչքուղով օդանավակայանի ստեղծումը նաեւ նոր ավտոմոբիլային եւ երկաթուղային ճանապարհների կառուցման անհրաժեշտություն կառաջացներ:
Դրա փոխարեն որոշվել է ներդրումներ կատարել՝ Հիթրոու եւ Գեթվիկ օդանավակայանների հնարավորությունների ընդլայնման համար: