ՀՀ արդարադատության նախարարությունը ՄԱԿ-ի մանկական հիմնադրամի հետ համատեղ Ժողովրդավարության միջազգային օրվան ընդառաջ կազմակերպում է ժողովրդավարությանն առնչվող լուսանկարների եւ կարգախոսների մրցույթ: Մրցույթին կարող են մասնակցել բոլոր ցանկացողները, ովքեր ունեն եռանդ, ժամանակ ու ստեղծագործելու ցանկություն եւ սիրում են բաց չթողնել ընձեռված հնարավորությունները:
Հիշեցնենք, որ Ժողովրդավարության միջազգային օրը նշվում է ամեն տարի սեպտեմբերի 15-ին՝ 2008 թվականից սկսած:
Ժողովրդավարության օրը լրացուցիչ առիթ է ուշադրություն դարձնելու աշխարհում ժողովրդավարության վիճակի վրա: Օրվա համար ամեն տարի ընտրվում է կարգախոս, որն ինչ-որ խորհուրդ ունի: Այս տարվա թիրախային խումբը երիտասարդներն են:
15-25 տարեկան երիտասարդները կազմում են երկրի բնակչության քսան տոկոսը, եւ նրանք հաճախ դուրս են մնում սոցիալ-քաղաքական գործընթացներից: Կարգախոսի նպատակն է ընդգծել ժողովրդավարական գործընթացներում երիտասարդներին ներգրավելու մարտահրավերներն ու հնարավորությունները:
Մրցույթին մասնակցել ցանկացողները լուսանկարներն ու կարգախոսներն ուղղարկեն մինչեւ սեպտեմբերի 12-ը [email protected] հասցեին, հարցերի դեպքում զանգել 380223: