Անհասկանալի է՝ ինչու են իշխանությունները որոշել հաշմանդամների համար թեքահարթակներ տեղադրել խաչմերուկներում: Այս մասին այսօր՝ սեպտեմբերի 2-ին, ասուլիսի ժամանակ հայտարարել է ավտովարորդների իրավունքների պաշտպանության հարցերով զբաղվող «Աքիլլես» ՀԿ-ի ղեկավար Էդուարդ Հովհաննիսյանը:
Նրա խոսքով՝ հետիոտնի համար անցուղիներ են դրվում հենց խաչմերուկներում, ոչ թե մի փոքր ավելի խորը «Ու այդ նորարարությունների պատճառով մի քանի օր առաջ մի աղջիկ քիչ էր մնում վրաերթի ենթարկվեր: Մենք ունենք դա ապացուցող լուսանկարներ»,-ասել է Հովհաննիսյանը:
Քաղաքը նախագծողները ՃՈ-ի հետ համատեղ պետք է տեղափոխեն թեքահարթակները, որպեսզի նվազեցնեն վտանգն անցորդների համար, հավելել է նա:
