Հայաստանի ճանապարհային ոստիկանությունը մի շարք դեպքերում վարորդներին տուգանում է առանց ապացույցների: Այս մասին, այսօր՝ սեպտեմբերի 2-ին, ասուլիսի ժամանակ հայտարարել է ավտովարորդների պաշտպանության հարցերով զբաղվող «Աքիլլես» ՀԿ-ի նախագահ Էդուարդ Հովհաննիսյանը:
Նրա խոսքով՝ նման դեպքերում վարորդները պետք է ՃՈ տեսուչներից պահանջեն ներկայացնել իրենց եւ ոստիկանական մեքենաների արագությունների ցուցմունքները: «Հակառակ դեպքում կարող են տուգանել առանց պատճառի: Մենք դեպք ենք ունեցել, երբ վարորդը գնացել է 65 կմ/ժամ արագությամբ, բայց գրել են 95»,-հայտարարել է Հովհաննիսյանը: