Հայաստանի ճանապարհային ոստիկանությունը վարորդներից պահանջում է վճարել 3 տարվա հնության տուգանքները: Այդ մասին լրագրողներին սեպտեմբերի 2-ին հայտարարել է վարորդների իրավունքների պաշտպանության «Աքիլլես» ՀԿ նախագահ Էդուարդ Հովհաննիսյանը: Նրա խոսքով՝ հակառակ դեպքում Ոստիկանությունը սպառնում է գանձել բոլոր երեք տարիների համար:
«Աքիլլես» ՀԿ-ն, հավելել է Հովհաննիսյանը, հայտարարում է, որ վճարման ապացույցի ծանրությունը Ոստիկանության վրա է: «Եթե նրանց համար հետաքրքիր է, ապա թող դիմեն գանձարանի արխիվ: Իսկ հասարակ քաղաքացին պարտավոր չէ այդքան երկար ժամանակ պահպանել տուգանքի մասին անդորագիրը: Ոչ ավելի, քան մեկ տարի»,- հայտարարել է Հովհաննիսյանը: