Պենտագոնը հայտարարում է, որ Ուկրաինայի սահմանին շուրջ 10 հազար ռուս զինվոր կա, հայտնում է Reuters-ը` վկայակոչելով ԱՄՆ պաշտպանության նախարարության մամուլի քարտուղար, ծովակալ Ջոն Կիրբիին:
«Արեւելյան Ուկրաինայում մի քանի հազար ռուս զինվորականներ շարունակում են աջակցել անջատականներին: Բացի դրանից, շուրջ 10 հազար զինվոր կանգնած են Ուկրաինայի հարավարեւելյան սահմանին», — հայտարարել է Կիրբին ամենօրյա ճեպազրույցում, փոխանցում է gazeta.ru-ն:
Օգոստոսի 28-ին ՆԱՏՕ-ի ներկայացուցիչները հայտնել էին, որ Ուկրաինայի սահմանին տեսնում են շուրջ 20 հազար ռուս զինվոր: Ավելի վաղ` նույն օրը, Ուկրաինայի նախագահ Պյոտր Պորոշենկոն հայտարարել էր, որ Ռուսաստանը զորք է մտցրել Ուկրաինա: