ԱՄՆ-ի նախագահ Բարաք Օբաման այցով ժամանել է Էստոնիա՝ Մերձբալթիկայի երկրներին ՌԴ-ի ագրեսիայի դեպքում ՆԱՏՕ-ի աջակցության հավաստիքը հայտնելու նպատակով, տեղեկացնում է BBC-ի ռուսական ծառայությունը։
Էստոնիան Լատվիայի ու Լիտվայի հետ միասին Դաշինքի անդամ է, եւ երկրի իշխանություններն արդեն դիմել են ՆԱՏՕ՝ երկրում ռազմաբազա տեղադրելու խնդրանքով։
BBC-ի եվրոպական հարցերով տեսաբանը նշում է, որ Էստոնիան դեռեւս կարող է Մոսկվայի ուժեղ ազդեցությունն զգալ՝ որպես նախկին ԽՍՀՄ երկիր՝ ռուսալեզու մեծաթիվ բնակչությամբ։
Էստոնիա այցից հետո Օբաման Ուելսում կմասնակցի ՆԱՏՕ-ի գագաթաժողովին, որտեղ կքննարկվի ռուսական հնարավոր ագրեսիայից արեւելյան Եվրոպայի երկրների պաշտպանելու համար արագ արձագանքման ուժերի ստեղծումը։