Օգոստոսին Ռուսաստանի ավտոշուկան նվազել է ավելի քան 25%-ով, սակայն, այդուհանդերձ, Եվրոպայում մեծությամբ երկրորդն է: autostat.ru-ի փոխանցմամբ՝ նման արդյունքի պատճառը Եվրոպայում ավտոմեքենաների նկատմամբ պահանջարկի՝ արդեն ավանդույթ դարձած ամառային անկումն է:
Եվրոպայի ավտոարտադրողների ազգային ընկերակցությունների տվյալներով՝ նոր մեքենաների իրացման ցուցանիշով առաջատարը Գերմանիան է, որտեղ ավելի քան 213 հազար մեքենա է վաճառվել (-0,4%): Անցած շաբաթ Ռուսաստանում վաճառվել է 161 հազար միավոր ավտոմեքենա:
83, 4 հազար ավտոմեքենաների վաճառքի (-3%) ցուցանիշով երրորդ տեղում հայտնվել է Ֆրանսիան: Հաջորդիվ Մեծ Բրիտանիան է. վերջինիս ավտոշուկան աճել է 9,4%-ով՝ վաճառելով 72,2 հազար ավտոմեքենա: Իսպանական շուկան, շնորհիվ նոր տնտեսական ավտոմեքենաների գնումների սուբսիդավորման խթանային ծրագրի, 12 ամիս անընդմեջ սրընթաց աճ է գրանցել. օգոստոսին գրանվել է վաճառքի 13,7% աճ՝ մինչեւ 45,4 հազար ավտոմեքենա: