«Honda» ընկերությունը մտադիր է եվրոպացիների դատին ներկայացնել իր նոր փոքր ամենագնացը: Մեքենան առաջին անգամ կցուցադրեն հոկտեմբերի 2-ին՝ փարիզյան ավտոսրահի շրջանակներում: Ճապոնիայում մեքենան անվանում են «Vezel», Չինաստանում՝ «XR-V», իսկ եվրոպական տարբերակը կկոչվի «HR-V»:

Ընկերությունում առկա աղբյուրները նշում են, որ «HR-V»-ը մի փոքր կտարբերվի նույն այդ «XR-V»-ից արտաքին տեսքով, այլ տեսք ունի հովացման համակարգը, մեքենայի օպտիկան:

Հաղորդում են, որ ավելացել է սրահում հարմարավետությունը(նրա երկարությունը կգերազանցի 4.3 մետրը) հաջողվել է ինժեներական լուծման շնորհիվ. վառելիքի բակը հետին մասից կենտրոնին մոտ է բերվել: Մեքենան կունենա 1.5 եւ 1.8 լիտր ծավալով շարժիչ: Սպասվում է, որ մեքենան եվրոպական շուկայում  մրցակցելու է «Nissan Juke», «Opel Mokka» , «Peugeot 2008» եւ «Ford EcoSport» մոդելների հետ:

Հիշեցնենք, որ «Honda»-ն առաջին անգամ «HR-V» մակնիշը ներկայացրել էր 1998թ.-ին: