Փոքր եւ միջին բիզնեսի զարգացման ազգային կենտրոնի նկատմամբ Սերմերի պետական գործակալության պարտավորությունը կվերաձեւակերպվի: Համապատասխան որոշումն ընդունվել է այսօր՝ սեպտեմբերի 11-ին՝ կառավարության նիստի ընթացքում:
2010-2014թթ. Հայաստանի գյուղացիներին հացահատիկի սերմերի բաշխման համար պետգործակալությանը փոխանցված 900 մլն դրամից 600 մլն-ը մինչեւ 2014թ. նոյեմբերի 1-ը հետ կվերադարձվի կենտրոնին:
Մնացած 300 մլն-ից 150-ը կփոխանցվի փոքր եւ միջին բիզնեսի սուբյեկտների կողմից դրամարկղային սարքերի գնման սուբսիդիաների համար: Մնացյալ 150 միլիոն դրամը կուղղորդվի Կենտրոնի վարկային երաշխիքների հիմնադրամի համալրմանը:
Հիշեցնենք, որ հացահատիկի սերմեր ստացած գյուղացիները բերքից դրա կրկնակի չափը կամ դրան համարժեք գումար պետք է վճարեին: