Մոսկվայում կալանավորված ռուսաստանաբնակ հայ գործարար Լեւոն Հայրապետյանի կալանքը երկարաձգվել է:
NEWS.am-ը Ռուսաստանի Հայերի միության մամուլի ծառայությունից տեղեկացավ, որ սեպտեմբերի 12-ին Մոսկվայի քաղաքային դատարանը բավարարեց քննիչի միջնորդությունը՝ Լեւոն Հայրապետյանին կալանքի տակ պահել մինչեւ դեկտեմբերի 15-ը:
Նշենք, որ դատական նիստին հայ բարերարին մեքենայության հոդվածով նոր մեղադրանք առաջադրվեց:
Հիշեցնենք, որ հուլիսի 24-ին Ռուսաստանի Դաշնության Քննչական կոմիտեն «Բաշնեֆտ» ընկերության բաժնետոմսերը հափշտակելու եւ անօրինական ճանապարհով ստացված գումարները յուրացնելու մեջ կասկածվող հայ գործարար Լեւոն Հայրապետյանին մեղադրանքներ է առաջադրել ՌԴ քրեական օրենսգրքի 160-րդ (յուրացում կամ վատնում) եւ 174-րդ (անօրինական ճանապարհով ձեռք բերված միջոցների լվացում) հոդվածներով: