Քալիֆորնիայի Գլենդել քաղաքի համայնքային քոլեջի հոգաբարձուների խորհուրդը , հետեւելով Լոս Անջելեսի համայնքային քոլեջի օրինակին, բանաձեւ է ընդունել՝ 2015թ. ապրիլը քոլեջում Հայոց ցեղասպանության 100-րդ տարելիցի նշանավորման ամիս հայտարարելու մասին: Այս մասին գրում է «Asbarez»-ը:
Բանաձեւում ներառված են նաեւ Հայոց ցեղասպանության մասին իրազեկվածության բարձրացմանն ուղղված քայլեր, ինչպես նաեւ քննարկումներ եւ միջոցառումներ կամպուսում:
Փաստաթղթում ԱՄՆ-ի նախագահին կոչ է արվում աշխատել հայ-թուրքական արդարացի, կառուցողական, կայուն եւ ամուր հարաբերություններ կերտելու ուղղությամբ, որոնք հիմնաված կլինեն Թուրքիայի կողմից Հայոց ցեղասպանության փաստի եւ հետեւանքների լիակատար ճանաչման եւ մարդկության դեմ այդ ոճրագործության հարցի միջազգային արդար եւ համակողմանի կարգավորման վրա:
