Skoda ընկերությունը սկսել է փորձարկել Fabia-ի նոր սերնդի ռալլիի տարբերակը: Ավտոմեքենան պատրաստվելու է R5 կատեգորիայի պահանջներին համապատասխան եւ կթողարկվի հաջորդ տարվա կեսերին:
Նախատիպը նկատել են Հունաստանում փորձարկելու ժամանակ: Մեքենայի ղեկին եղել Skoda-ի գործարանային թիմի ներկայացուցիչ Յան Կոպեցկին: «Դեռեւս վաղ է խոսել ավտոմեքենայի արժանիքների մասին: Սակայն նախկին՝ Fabia S2000-ը լավն էր, այդ պատճառով ենթադրում եմ, որ նոր մեքենան պակաս մրցունակ չի լինի»,- նշել է Կոպեցկին:
Նորույթի տեխնիկական տվյալները դեռեւս հայտնի չեն: Մեքենայի հանրային դեբյուտը կայանալու է հոկտեմբերին, Փարիզի ավտոսրահի շրջանակում: Ըստ Motor.ru-ի, ավտոմեքենայի շարժիչների գամմայում ներառվելու են 4 բենզինե եւ 3 դիզելային միավորներ: