Շիա ապստամբների եւ կառավարամետ սունիների միջեւ ուրբաթ օրվանից շարունակվող բախումների ընթացքում զոհվել է յոթ մարդ, 14-ը՝ վիրավորվել:
Բախումներ են եղել Էլ Ջաուֆ եւ Մաարիբ նահանգների սահմանին, որոնք գտնվում են Սանայից հյուսիս-արեւելք:
Իշխանությանը հավատարիմ ցեղերը բանակի օգնությամբ փորձում են կանգնեցնել ապստամբներին, որոնք, ըստ տեղեկությունների ցանկանում են վերահսկողության տակ առնել Սանայից Մաարիբ ընկած ճանապարհը, որտեղ կենտրոնացած են «սեւ ոսկու» եւ գազի հիմնական պաշարները, ինչպես նաեւ խոշորագույն գազատարը: Հաղորդվում է նաեւ, որ Եմենի ԶՈՒ-ն մի շարք հարվածներ է հասցրել ապստամբներին երկու նահնագներ միջեւ ընկած տարածքում, փոխանցում է ԻՏԱՌ-ՏԱՍՍ-ը:
Միաժամանակ, ըստ մամուլի, ներկայումս բախումներ են սկսվել Սանայի հյուսիսի Էլ Հասբի թաղամասում: