Էջմիածնում օգոստոսին երկու բնակարանային գողություն էր տեղի ունեցել.
Ինչ-որ մեկը օրը ցերեկով տեսել էր, որ Հակոբ Հակոբյան փողոցի փակուղու տներից մեկի դուռը կողպված չէ: Աննկատ անցել էր ներս, ննջարանից աննկատ գողացել էր ինչ ձեռքն ընկել էր ու հեռացել: Նման մի դեպք էլ Միչուրինի փողոցի տներից մեկում էր եղել:
Երկու դեպքում էլ տանտերերը, որ միայնակ էին ապրում, գողության պահին քնած են եղել:
Դեպքից մի քանի օր անց ոստիկանները Երեւանի Զաքյան փողոցում տեսել էին չսափրված, չսանրված, հողաթափերով մի երիտասարդի: Ոստիկաններին նա խաբել ու սխալ անուն էր նշել, թեեւ անձնագիրը գրպանում էր եղել, ու դիմել փախուստի:
Ոստիկանները Կարապետ Պ.-ին բերման էին ենթարկել եւ պարզել, որ նա նախկինում երկու անգամ դատապարտված է, Էջմիածնի բնակիչ: Նա խոստովանել է, որ Էջմիածնում երկու գողություն է կատարել բնակարաններից:
Առավել մանրամասն՝ տեսանյութում: