Պատահար Արագածոտնի մարզում: Սեպտեմբերի 13-ին, ժամը 17.34-ին ահազանգ է ստացվել, որ Արագածոտնի մարզի Ալագյազ գյուղի մոտակայքում տեղի է ունեցել ՃՏՊ, կան տուժածներ: Այս մասին տեղեկանում ենք Արտակարգ իրավիճակների նախարարության կայքից:
Դեպքի վայր մեկնած փրկարարները պարզել են, որ Ծաղկահովիտ-Ալագյազ ավտոճանապարհի 6-րդ կմ-ում, դեռեւս չբացահայտված հանգամանքներում, «Օպել» մակնիշի ավտոմեքենան դուրս է եկել ճանապարհի երթեւեկելի հատվածից եւ բախվել գազատար խողովակին, ինչի հետեւանքով վարորդը` 1976 թվականին ծնված Ա.Բ.-ն եւ ուղեւորները` 1990 թվականին ծնված Ա.Բ.-ն ու 1988 թվականին ծնված Ա.Ս.-ը տարբեր աստիճանի մարմնական վնասվածքներ են ստացել:
Տուժածները տեղափոխվել են Ապարան քաղաքի բժշկական կենտրոն: Բժիշկների գնահատմամբ, տուժածների առողջական վիճակը բավարար է: