Ավստրալիան պատրաստ է օգնել միջազգային կոալիցիային «Իսլամական պետություն» ահաբեկչական խմբավորման դեմ պայքարում: Այս մասին տեղեկացնում է Reuters-ը:
Նման հայտարարությամբ հանդես է եկել Ավստրալիայի վարչապետ Թոնի Էբոթը նախարարների կաբինետի եւ երկրի ազգային անվտանգության կոմիտեի նիստի ընթացքում:
«Իշխանությունները որոշում են կայացրել մեր զինված ուժերի նախապատրաստման եւ ԱՄԷ-ում տեղակայման մասին»,- Էբոթի խոսքերն է մեջբերում Gazeta.ru-ն:
Նշվում է, որ Կանբերրան կոալիցիային զինծառայողներ կտրամադրի, ինչպես նաեւ ԱՄԷ-ում ութ Super Hornet ինքնաթիռ կտեղադրի (վաղ հայտնաբերման եւ վերահսկողության ու լիցքավորող ինքնաթիռ):