Առնվազն 2 մարդ է զոհվել Ֆիլիպինների կենտրոնական հատվածում շոգենավի կործանման արդյունքում: Տեղական իշխանությունների փոխանցմամբ՝ ավելի քան 100 մարդու հաջողվել է փրկել:
Ներկայում փրկարարները շարունակում են աշխատել նավի կործանման շրջանում, որը խորտակվել է շաբաթ, Լեյտե կղզուց դեպի հարավ: Պաշտոնական փաստաթղթի համաձայն, նավի վրա 58 ուղեւոր եւ անձնակազմի 26 անդամ է եղել, սակայն Ֆիլիպինների փրկարարները հավաստում են, որ ջրից դուրս են բերել արդեն 104 մարդու: Բացի այդ, ըստ ԻՏԱՌ ՏԱՍՍ-ի, երկու մարդու մարմին է հայտնաբերվել:
Մասնագետները պարզում են պատահարի պատճառները: Շոգենավի կործանման շրջանում փրկարարների աշխատանքը դժվարանում է եղանակային վատ պայմանների պատճառով: