Չինաստանի հարավում երկրորդ օրն անընդմեջ բողոքի զանգվածային ակցիաներ են անցկացվում: Պատճառն այնտեղ երկրի ամենախոշոր աղբի այրման գործարանը կառուցելու՝ իշխանությունների որոշումն է: Այս մասին հաղորդում է BBC-ի ռուսական ծառայությունը:
Խուեյչժոու քաղաքի բնակիչները մտավախություն ունեն, որ եթե գործարանը կառուցվի, ապա օդի եւ տեղի ջրամբարների աղտոտվածության մակարդակը կտրուկ կբարձրանա:
Տեղական վարչակազմի շենքի առջեւ մեծ թվով մարդիկ են հավաքվել: Որոշ տեղեկությունների համաձայն, սակայն, ամբոխը սկսել է ցրվել, երբ հայտարարվել է, որ գործարանի կառուցման որոշումը դեռեւս չի ընդունվել: Հաղորդվում է, որ շաբաթ ոստիկանությունն ավելի քան 20 մարդ է ձերբակալել: