Գազայի հատվածում շուրջ կես միլիոն երեխաներ ու դեռահասներ վերադառնում են դպրոցներ: BBC-ի ռուսական ծառայության փոխանցմամբ, Իսրայելի հետ հակամարտության պատճառով ուսումնական տարվա սկիզբը երկու շաբաթով հետաձգվել էր:
Գազայի հատվածի կրթության նախարարության ներկայացուցչի խոսքով, առաջին շաբաթվա ընթացքում դասերի փոխարեն երեխաներին հոգեբանական աջակցություն են ցուցաբերելու, ինչպես նաեւ հնարավորություն են ընձեռելու սպորտով եւ խաղերով զբաղվել:
Գազայի իշխանությունները պնդում են, որ 50-օրյա հակամարտության ընթացքում 26 դպրոց է ավերվել, եւս 232 կրթական հաստատություններ վնասվել են: