94-ամյա Քլիֆ Դեդսոնը պարաշյուտով առաջին թռիչքն է իրականացրել: Դրանից առաջ նա մեկ տարի հատուկ դասընթացներ է անցել, որտեղ Բրիտանիայի պարաշյուտային սպորտի պատմության մեջ դարձել է ամենատարեց վկայական ստացողը: Այս մասին տեղեկացնում է BBC-ի ռուսական ծառայությունը:
Անգլիայի հյուսիս-արեւմուտքի բնակիչը խոստովանել է, որ թռիչքից առաջ հուզվում էր, բայց այն կատարելուց հետո արդեն հանգստացել է եւ վայելել իր տան ու շրջակայքի տեսարանները:
Հավելենք, որ աշխարհի ամենատարեց պարաշյուտիստը 101-ամյա ավստրալացի Ֆրենկ Մուդին էր, ով թռիչքն իրականացրեց 2004 թվականին, Կերնսում: