Ուղեւորը, որի ոչ համարժեք պահվածքի պատճառով Մոսկվա-Բաքու չվերթն իրականացնող ինքնաթիռը հարկադիր վայրէջք էր կատարել Աստրախանում, 10 օրով կալանավորվել է: Այս մասին «ՌԻԱ Նովոստի»-ին տեղեկացրել է Հարավային տրանսպորտային դատախազության ներկայացուցիչը:
Ավելի վաղ հաղորդվում էր, որ շաբաթ երեկոյան Աստրախանում մի ուղեւորի պատճառով ինքնաթիռը հարկադիր վայրէջք է կատարել: Ծնունդով Ադրբեջանից Ռուսաստանի քաղաքացին իրեն ոչ համարժեք էր դրսեւորել եւ հարվածել էր ուղեկցորդուհուն: Նա ձերբակալվել էր:
«Ուղեւորը մեղավոր է ճանաչվել «մանր խուլիգանության» հոդվածով: Նա 10-օրյա կալանքի է ենթարկվել»,- տեղեկացրել է գերատեսչության ներկայացուցիչը: