Լեհաստանը դուրս կգա համատեղ պաշտպանության նպատակներով ստեղծված Վիշեգրադյան խմբից, (Հունգարիա, Լեհաստան, Սլովկիա եւ Չեխիա) հաղորդում է «Ռոսբալտը»՝ վկայակոչելով ՆԱՏՕ-ի կայքին:
Սեպտեմբերի 15-ին կկայանա V4-ի հանդիպումը, որտեղ կքննարկվի հակաօդային պաշտպանության շարժական համակարգի ներդնումը, սակայն Լեհաստանը պատրաստ է հրաժարվել բանակցություններին մասնակցությունից մի քանի պատճառներով: Առաջինը, Լեհաստանի ռազմական բյուջեն շատ ավելին է, քան մնացած երեք երկրներում, երկրորդ՝ Վ արշավան դժգոհ է, որ Բրատիսլավան եւ Պրահան քննադատում են ՌԴ-ի նկատմամբ պատժամիջոցները: Բացի այդ, Լեհաստանը իր ռազմական եւ պաշտպանական արդյունաբերության արդիականացման ծրագրեր ունի:
Եթե Վարշավան հրաժարվի հակաօդային պաշտպանության նոր համակարգի նախագծի մասնակցությունից, այն կարող է ընդհանրապես չգործարկվել, քանի որ նախագծի մշակման ծախսերը երեք երկրների համար զգալիորեն կավելանան: Միեւնույն ժամանակ, Լեհաստանի պաշտպանության նախարարության մամուլի քարտուղարը հայտարարել է, որ երկիրը դեռ նախագծից դուրս գալու որոշում չի ընդունել եւ հարցի քննարկումը շարունակվում է:
Վիշեգրադյան խումբը ստեղծվել է 1991թ. փետրվարին՝ եվրոպական եւ եվրաատլանտյան կառույցներին կից՝ անդամ-երկրների (Լեհաստանի, Հունգարիայի, Չեխոսլովակիա) փոխօգնության նպատակով: 1993թ. Չեխոսլովակիայի մասնատումից հետո «եռյակը» վերածվեց «քառյակի»: