Ամենամեծ չինական ինտերնետ-խանութ Taobao-ն իր օգտատերերին առաջարկում է նոր ինտերնետ ծառայություն. միայնակ մարդիկ կարող են շփվել «վիրտուալ տղաների կամ աղջիկների հետ» եւ պատմել իրենց խնդիրների մասին: Երիտասարդ տղամարդիկ եւ կանայք որոշակի վճարի դիմաց պատրաստ են լսել իրենց հաճախորդներին եւ մի քանի բարի, սփոփիչ խոսքեր ասել, հաղորդում է Oddity Centra-ն:
Ինտերնետ խանութի հաճախորդները ցնծության մեջ են այդ նոր ծառայությունից: Նոր ծառայությունը զգալիորեն ավելացրել է խանութի այցելությունները, կարճ ժամանակում դիմորդների թիվը օրական 5-7-ից հասել է մինչեւ 500 զանգ: Արական սեռի համար առկա են հաճախորդների հետեւյալ տեսակները. «հասուն կանայք», «հարեւան աղջիկներ», «տիկնիկներ»:
Կանանց համար նախատեսված են տղամարդկանց հետեւյալ տեսակները. «գեղեցիկ», «գործարար», «առնական կազմվածքով», «հոգեւոր տղաներ»:
Վիրտուալ ընկերուհիներն ու տղաները կարող են հաճախորդներին առավոտյան արթնանցել, բարի գիշեր մաղթել, օրվա տարբեր ժամերին հետաքրքրվել նրանց գործերով, գեղեցիկ հաղորդագրություններ ուղարկել: Ինտերնետ խանութի հաճախորդներից մեկի խոսքով՝ այս ծառայությունը իրապես օգնում է նրանց թուլանալ եւ հաղթահարել սթրեսը: