Ավստրալիայի վարչապետ Թոնի Էբոտը հայտարարել է, որ մեկ շաբաթ կանցկացնի Հյուսիսային տարածքի առանձին գյուղում, որտեղ ապրում են երկրի նախաբնիկները, հաղորդում է BBC-ի ռուսական ծառայությունը: Այս քայլով ավստրալացի վարչապետը պատրաստվում է իրագործել իր նախընտրական խոստումներից մեկը. նախընտրական արշավների ընթաքում նա իր ընտրողներին խոստացել էր, որ տարվա ընթացքում մեկ շաբաթ կապրի եւ կաշխատի Ավստրալիայի աբորիգենների հետ:
Վարչապետն իր մտադրությունը բացատրել է ավելի մոտիկից Ավստրալիայի բնիկների կյանքի ու կենցաղի հետ ծանոթանալու ցանկությամբ: Նրան հետաքրքիր է իմանալ աբորիգեննների կարծիքը երկրի կյանքի մասին եւ լսել նրանց ցանկությունները:
