Այսօրվա դրույթյաբ գերակա խնդիր է Ւրաքի հայ համայնքի ներկայացուցիչների անվտանգության խնդրի լուծումը, քանի որ վերջին իրադարձությունները ցույց են տալիս, որ Իրաքում դեռ երկար ժամանակ խաղաղություն չի հաստատվի: Այդ մասին այսօր՝ սեպտեմբերի 15-ին, մամուլի ասուլիսի ժամանակ հայտարարեց արաբագետ Արմեն Պետրոսյանը:
Նրա խոսքով՝ նույնը կարելի է ասել սիրիահայ համայնքի մասին, որ 3,5 տարվա ընթացքում մոտ կրկնակի անգամ կրճատվել է: «Երկրորդ խնդիրը կայանում է նրանում, որ Ադրբեջանի, Թուրքիայի, Վրաստանի եւ Իրանի զինված իսլամիստները պատերազմում են ինչպես Սիրիայում, այնպես էլ Իրաքում: Սա նշանակում է, որ մի օր կվերադառնան իրենց տները, եթե իհարկե, նրանց հաջողվի հասնել իրենց նպատակներին, իսկ դա, ամանայն հավանականությամբ, այդպես էլ կլինի: Լեռնային Ղարաբաղը այդ իսլամիստների համար կարող դառնալ ռազմական գործողությունների նոր գոտի», - նշեց Արմեն Պետրոսյանը: Նա հստակեցրեց, որ եթե ադրբեջանական իշխանությունների հրահրումների հետեւանքով պատերազմ սկսվի, բնականաբար, չի բացառվում, որ նշված իսլամիստները կմասնակցեն Լեռնային Ղարաբաղի ռազմական գործողություններին:
