Եգիպտոսի տուրիզմի նախարար Հեշամ Զազուան հաղորդել է երկրի հայտնի առողջարանային վայրերում անվտանգության ուժեղացմամ մասին: Այդ միջոցառումներն ուղղված են երեք տարիների ընթացքում քաղաքական անկայունության արդյունքում դատարկված տուրիստական ինդուստրիայի վերականգնմանը, հաղորդում է Associated Press-ը:
Զազուան խոստացել է, որ հյուրանոցներում եւ տուրիստներին հյուրընկալող այլ վայրերում կտեղադրվեն լրացուցիչ տեսախցիկներ, իսկ տուրիստական ինդուստրիայի աշխատակիցները լրացուցիչ ստուգումների կենթարկվեն:
Նախարարության տվյալներով՝ 2013թ. մոտ 9.5 մլն զբոսաշրջիկ է այցելել Եգիպտոս, մինչեդեռ նախքան քաղաքական ճգնաժամը այդ թիվը կազմել է 14 մլն: