Ուկրաինայի նախագահ Պյոտր Պորոշենկոն Գերագույն ռադային առաջարկել է Դոնեցկի եւ Լուգանսկի առանձին շրջաններում արտահերթ ընտրությունները նշանակել 2014 թ. նոյեմբերի 9-ին, հայտնում է «Ուկրաինսկայա պրավդան»:
Ռադայի քննարկմանը Պորոշենկոյի ներկայացրած օրինագծում նաեւ նշված է Ռուսաստանի հետ Դոնբասի տեղական ինքնակառավարման մարմինների բարիդրացիական հարաբերություններն ուժեղացնելու վերաբերյալ` սահմանային համագործակցության շրջանակներում:
Ավելի վաղ Պորոշենկոն առաջարկել էր Դոնեցկի եւ Լուգանսկի մարզերին տրամադրել հատուկ կառավարման կարգի իրավունք` երեք տարով: Բացի դրանից, Դոնբասին առաջարկել են ռուսերեն կամ ցանկացած այլ լեզու օգտագործելու իրավունք: