«Միացյալ Ռուսաստան» կուսակցությունից Պետդումայի նախկին պատգամավոր, գեղարվեստական մարմնամարզության օլիմպիական չեմպիոն Ալինա Կաբաեւան ստանձնելու է «Ազգային Մեդիա խումբ» հոլդինգի տնօրենների խորհրդի ղեկավարի պաշտոնը: Այս մասին տեղեկացնում է ՌԻԱ Նովոստին՝ վկայակոչելով հոլդինգի մամուլի ծառայությանը:
«Նա իսկապես ընդունել է հոլդինգի տնօրենների խորհրդի նախագահի պաշտոնը զբաղեցնելու առաջարկը»,- նշել են հոլդինգի մամուլի ծառայությունում:
Հիշեցնենք, որ Ալինա Կաբաեւան սեպտեմբերի 15-ին դիմել էր իր պատգամավորական լիազորությունները ժամկետից վաղ դադարեցնելու մասին խնդրանքով՝ այլ աշխատանքի անցնելու կապակցությամբ: Պետդումայի Կանոնակարգի հարցերի հանձնաժողովն առաջարկել էր հարցը դիտարկել Դումայի սեպտեմբերի 16-ի նիստում:
