Բելգիայի դատարանը վճռել է, որ ցմահ ազատազրկման դատապարտված 50-ամյա Ֆրանկ Վան Դեն Բլեեքենը իրավունք ունի կամավոր հրաժեշտ տալ կյանքին՝ բժիշկների օգնությամբ, հայտնում է BBC-ի ռուսական ծառայությունը։
80-ականներին բռնաբարության եւ սպանության համար դատապարտված այդ մարդը երեք տարի անընդմեջ հայց էր ներկայացրել դատական զանազան ատյաններ` պայքարելով սեփական կյանքը տնօրինելու իր իրավունքի համար: Նա պնդել էր, որ ի վիճակի չէ զսպել սեռական բռնության նկատմամբ իր պոռթկումները եւ այդ պատճառով էլ երբեք ազատության մեջ չի հայտնվի:
Այս դատավճիռն առաջինն է Բելգիայում, որը վերաբերում է դատապարտյալի իրավունքներին: Էվթանազիայի մասին օրենքը Բելգիայում ընդունվել էր 12 տարի առաջ:
Վան Դեն Բլեեքենն առաջիկայում տեղափոխվելու է հիվանդանոց, որտեղ կկատարվի էվթանազիան, հայտնել են նրա փաստաբանները:
