Նոր Զելանդիայի իշխող կուսակցությանը դատի են տվել սեպտեմբերի 20-ի ընտրություններին ընդառաջ գովազդային հոլովակում Eminem-ի «Lose Yourself» երգի չարտոնված օգտագործման համար, հայտնում է Agence France-Presse-ը:
Երգչի ձայնագրություններով զբաղվող ընկերությունը հայտարարել է դատաքննություն սկսելու մասին:
«Դատաքննությունը բխում է Ազգային կուսակցության նախընտրական քարոզարշավում «Lose Yourself» երգի չարտոնված օգտագործումից», - ասված է հաղորդագրությունում, փոխանցում է Gazeta.ru-ն:
Նշվում է, որ հայցը ներկայացրել են հենց երգի սեփականատերերը, այլ ոչ թե երգիչը:
Իր հերթին Նոր Զելանդիայի իշխող կուսակցությունը հերքում է մեղադրանքները՝ հավաստիացնելով, որ հեղինակային իրավունք չի խախտվել: