Կանադայի Մոնրեալ քաղաքի ՄկԳիլ համալսարանի Փոլաքի անվան հռչակավոր համերգասրահում կայացել է հանրահայտ «Մոլինարի» քառյակի համերգը, որով մեկնարկել են Հայոց ցեղասպանության 100-ամյա տարելիցի ոգեկոչման միջոցառումները Կանադայում:
Բացման խոսքով հանդես է եկել Կանադայում ՀՀ դեսպան Արմեն Եգանյանը, ով մատնանշել է Հայոց ցեղասպանության միջազգային ճանաչման կարեւորությունը` որպես մարդկության դեմ ոճիրների կանխարգելման անհրաժեշտ պայման:
500-հոգանոց բազմությունն ունկնդրել է Արամ Խաչատրյանի, Տիգրան Մանսուրյանի, Լեւոն Չավուշյանի եւ Ջիվան Տեր-Թադեւոսյանի ստեղծագործությունները:
