Երեւանի «Անի Պլազա» հյուրանոցում սեպտեմբերի 14-ին համարներից մեկում կախված վիճակում հայտնաբերված տղամարդը 43-ամյա Վարդգես Օրգուսյանն է: Փաստի առթիվ Քննչական կոմիտեում նյութեր են նախապատրաստվում:
Դեպքի հետ կապված մանրամասներ ճշտելու համար NEWS.am-ը կապ հաստատեց հյուրանոցի պատասխանատուների հետ, որոնք էլ պատասխանեցին հետեւյալը. «Քրեական գործ է սա, մենք իրավասու չենք որեւէ բան հաղորդել կատարվածի վերաբերյալ»:
Թե ով եւ ինչ վիճակում է հայտնաբերել տղամարդուն, «Անի Պլազա»-ից հրաժարվեցին հայտնել:
Նշենք, որ ավելի վաղ NEWS.am-ին ոստիկանությունից հայտնել էին, որ տղամարդու դին հայտնաբերվել է կախված վիճակում: Այլ մանրամասներ չեն հաղորդվում:
