Սատանայի տաճարի հետեւորդները հայտարարել են, որ Ֆլորիդայի միջնակարգ դպրոցներում սատանիստական նյութերով գրքույկներ կբաժանեն, գրում է The Washington Times-ը: Թերթը հայտնում է, որ դա Օրինջ շրջանում հնարավոր էր դարձել այն բանից հետո, երբ տեղի դպրոցական խորհուրդը թույլատրել էր ուսհաստատություններում կրոնական նյութերի, այդ թվում՝ Աստվածաշնչի եւ աթեիստական նյութերի տարածումը:
Մասնավորապես, աշակերտները տեղեկանում են Սատանայի եկեղեցու սկզբունքների, սատանայապաշտության փիլիսոփայության եւ պրակտիկայի մասին, ինչպես նաեւ սատանայապաշտությունը դպրոցում ուսումնասիրելու իրավունքի մասին, ասված է հոդվածում:
Սատանայի տաճարից հայտնել են, որ համաձայն չեն կրոնական նյութեր տարածելու մասին դպրոցական խորհրդի որոշմանը, դրա համար մտադիր են բազմակարծություն տարածել այնտեղ, որտեղ խախտված է եկեղեցու եւ պետության տարանջատումը, փոխանցում է Gazeta.ru-ն:
Թերթն իր հերթին հիշեցնում է, որ Սատանայի տաճարի հետեւորդները սատանային համարում են «բռնակալության դեմ պայքարի անձնուրաց» մարտիկ եւ «ազատ եւ ռացիոնալ ճանաչողության» օրինակ: