Մինչեւ 40 մ/վրկ քամու ուժգնությամբ «Քալմեջի» արեւադարձային փոթորիկը հասել է Չինաստանի հարավային շրջաններ, հաղորդում է Չինաստանի պետական օդերեւութաբանական վարչությունը, փոխանցում է «ԻՏԱՌ-ՏԱՍՍ»-ը:
Տեղական ժամանակով առավոտյան 9:40-ին թայֆունը առաջին հարվածներն է հասցրել Հայնան կղզուն եւ Վենչան քաղաքի ուղղությամբ: Օրվա երկրորդ կեսին Հայնանի եւ Հունդունի հարակից շրջաններում 50-100 մմ տեղումներ են գրանցվել, առաձին վայրերում տեղումների քանակը գերազանցել է 490 մմ-ը:
«Սինխուա» գործակալության հաղորդմամբ՝ անցած երկուշաբթի, Հայնանի տասնյակ հազարավոր բնակիչներ տարհանվել են ավելի անվտանգ վայրեր: Մասնավորապես, Վենչան քաղաք են տարհանվել մոտ 20 հազար բնակիչ, մոտավորապես նույնքան՝ Լինգաո քաղաք: Հայնանի մայրաքաղաք Հայկոուի եւ Սանյա առողջարանային քաղաքների օդանավակայաններում տասնյակ չվերթներ են չեղարկվել: