Շրջանառության մեջ է դրվել 2 եվրո անվանական արժեքով հատուկ դիզայնով առաջին լատվիական մետաղադրամը: Այն նվիրված է Ռիգային՝ Եվրոպայի մշակութային մայրաքաղաքին: Մետաղադրամի գրաֆիկական դիզայնը մշակել է նկարիչ Հենրիխ Որկլասը:
Լատվիան եվրագոտուն միացել է այս տարվա հունվարի մեկից: Երկրում նույն թղթադրամներ են օգտագործվում, ինչ ողջ եվրագոտում, իսկ մետաղադրամները դրոշմված են խորհրդանիշերով, որոնք ժամանակին ընտրվել են գաղափարների ազգային մրցույթում: 1 եւ 2 եվրո մետաղադրամների դարձերեսին պատկերված է ազգային կոստյումով աղջիկ, 10, 20, 50 ցենտ անվանական արժեքով մետաղադրամների վրա՝ Լատվիայի մեծ զինանշանը, իսկ 1, 2, 15 ցենտ արժեքով մետաղադրամների՝ փոքր զինանշանը: Նոր մետաղադրամների վրա պատկերված է Հին քաղաքի համայնապատկերը՝ «Ռիգա-2014» փորագրմամբ:
«Ռիգա. 2014թ. Եվրոպայի մշակութային քաղաք» մետաղադրամը շարունակում է հատուկ դիզայնով մետաղադրամների թողարկման ավանդույթը: Հատուկ դիզայնով 2 եվրո մետաղադրամի հաջորդ թողարկումը նախատեսվում է 2015թ.:
