Օրերս ոստիկանության Քանաքեռ-Զեյթունի բաժնում ահազանգ էր ստացվել, որ մի քաղաքացի ոստիկանության բաժնի հին շենքի մոտ զինամթերք է թողել:
Ոստիկանության լրատվության վարչությունից հայտնում են, թե մեկնած օպերատիվ խումբը նշված շենքի բակում (Ահարոնյան փողոց 3), ծառերի տակ, պոլիէթիլենային տոպրակի մեջ, հայտնաբերել են ինքնաձիգի տարբեր տրամաչափի 117 փամփուշտ, ինքնաշեն ատրճանակ եւ զրահաբաճկոն:
Հայտնաբերվածն ուղարկվել է փորձաքննության:
Կատարվում է հետաքննություն: