Շիրակի մարզպետ Ֆելիքս Ցոլակյանը չի վախենում քառյակի (ՀԱԿ, ԲՀԿ, ՀՅԴ եւ «Ժառանգություն») այցելություններից մարզեր: Այս մասին NEWS.am-ի թղթակցի հետ զրույցում ասաց Ֆելիքս Ցոլակյանը:
«Ընդհանրապես ոչ մի բանից ես մտավախություն չունեմ, ես որեւէ խնդիր չեմ տեսնում, ով ուզում է, որտեղ ուզում է, թող այցելի»,- ասաց մարզպետը:
Հարցին, թե արդյոք որեւէ խոչընդոտ կստեղծվի նրանց հանդիպումների համար, օրինակ դահլիճ չտրամադրել, նա պատասխանեց. «Ես չեմ դրանք ստեղծողը, քաղաքապետարանին է պետք հարցնել, թող քաղաքապետարան դիմեն, ինչպես կարգն է, կարվի, ուրիշ խնդիր չկա»:
Նա համաձայն չէ, որ Գյումրիում ընդդիմադիր հատվածը բավական ուժեղ է եւ չի վախենում, որ այդ այցելությամբ այն ավելի կշիկանա կամ շատ մարդիկ կգնան նրանց հետ հանդիպմանը:
Նշենք, որ քառյակը որոշել է այցելել մարզեր եւ հանդիպումներ ունենա մարզերում ապրող բնակչության հետ: Նախաձեռնել նաեւ հանրահավաք անցկացնել Երեւանում: