«Ժառանգություն» կուսակցությունը պատրաստ է սահմանադրական բարեփոխումների բովանդակային քննարկումներին, եթե խորհրդարանական մեծամասնությունն ընդունի կուսակցության պայմանները: Այդ մասին այսօր՝ սեպտեմբերի 16-ին, սահմանադրական բարեփոխումների քննարկումների ժամանակ հայտարարեց «Ժառանգություն» խմբակցության ղեկավար Ռուբեն Հակոբյանը:
Հակոբյանի խոսքով՝ կուսակցությունը պահանջում է ընտրական օրենսգրում 11 կետերի, ինչպես նաեւ ընդդիամության մասին օրենքի ընդունում, ըստ որի, բողոքող ուժերին կտարամադրվեն վերահսկողության որոշակի լծակներ: Բացի այդ, Հակոբյանը նշեց, որ փոփոխություններն ընդունելուց անմիջապես հետո՝ 2016թ. գարնանը, համապետական ընտրություններ պետք է անցկացվեն:
Նա նշեց, որ այսօր կուսակցությունը գիտակցաբար է խուսափում փոփոխությունների բովանդակության շուրջ բանավեճերից, քանի որ համոզված է, որ երկրում գոյություն ունեցող խնդիրները կարելի էր լուծել նաեւ գործող Սահմանադրության պայմաններում, իսկ փոփոխություններն անհրաժեշտ են երկրում քաղաքական ճգնաժամից ուշադրությունը շեղելու եւ իշխանության վերարտադրման համար:
