Հայաստանի եւ Ադրբեջանի նախագահներն արդեն համաձայնել են բանակցություններ վարել Փարիզում, haqqin.az-ին հայտնել է Ադրբեջանում Ֆրանսիայի դեսպան Պասկալ Մոնիեն:
Ըստ նրա՝ հանդիպումը տեղի կունենա հոկտեմբերի երկրորդ կեսին՝ Ֆրանսիայի նախագահ Ֆրանսուա Օլանդի միջնորդությամբ:
Դեսպանը նաեւ նշել է, որ քննարկվելու են ղարաբաղյան հիմնախնդրի լուծման եւ խաղաղ կարգավորման հարցեր: Նա նշել է, որ այդ հանդիպումը կարեւոր նշանակություն է ունենալու Ուելսում նախագահների բանակցություններից հետո:
«Ֆրանսիան՝ որպես ԵԱՀԿ ՄԽ-ի համանախագահ երկիր, անում է հնարավոր ամեն ինչ՝ այդ հիմնախնդիրը լուծելու համար եւ կարծում է, որ արդեն վաղուց եկել է ժամանակը լուծելու այդ հիմնախնդիրը», - ընդգծել է Մոնիեն: