«Օրինաց երկիր» կուսակցությունում սահմանադրական բարեփոխումներն այս փուլում առաջնահերթություն չեն համարում: Այս մասին, այսօր՝ սեպտեմբերի 16-ին, սահմանադրական բարեփոխումների քննարկման ժամանակ հայտարարել է ՕԵԿ խմբակցության քարտուղար Մհեր Շահգելդյանը:
Սակայն, նրա խոսքով, ՕԵԿ-ում պատրաստ են քննարկել այդ փոփոխությունները եւ ներկայացնել սեփական տեսակետները, երբ փաստաթղթի մշակումն ավարտվի:
Շահգելդյանը կոչ է արել հաշվի առնել, որ Հայաստանը փաստացի պատերազմական վիճակում է գտնվում, եւ ցանկացած պահի կարող է օպերատիվ կերպով որոշումներ կայացնելու անհրաժեշտություն ծագել: «Բարեփոխումներն իարակացնելիս այս բոլոր իրողությունները պետք է հաշվի առնել»,-ասել է Շահգելդյանը: