Սեպտեմբերի 14-ին, ժամը 15.50-ին եւ ժամը 15.55-ին, հիվանդանոցից ոստիկանության Աշտարակի բաժնում հաղորդումներ են ստացվել, որ մարմնական վնասվածքներով բուժօգնության են դիմել 34-ամյա Վիլիկ Պ.-ն եւ 48-ամյա Մխիթար Մ.-ն:
Ոստիկանության մամուլի ծառայությունից հայտնում են, որ պարզվել է, որ նույն օրը, ժամը 15.00-ի սահմաններում, Ագարակ գյուղում, վիճաբանության ժամանակ, 35-ամյա Էդիկ Պ.-ն դանակահարել է իր եղբորը` Վիլիկ Պ.-ին, եւ վիճաբանությանը միջամտած հարեւան Մխիթար Մ.-ին:
Ձեռնարկված օպերատիվ-հետախուզական եւ քննչական միջոցառումների շնորհիվ պարզվել է, որ Մխիթար Մ.-ն ոչ թե միջամտել է վիճաբանությանը, այլ նա կանգնած է եղել իր տան բակում, երբ իրեն է մոտեցել Էդիկ Պ.-ն, անհիմն վիճաբանել եւ դանակով հարվածել:
Ձեռնարկվում են միջոցառումներ Էդիկ Պ.-ին եւ հանցագործության գործիք դանակը հայտնաբերելու ուղղությամբ:
Կատարվում է նախաքննություն: