Սեպտեմբերի 14-ին, ժամը 21.00-ին, ոստիկանության Երեւան քաղաքի վարչության ՊՊԾ գնդի 3-րդ հատուկ գումարտակի 2-րդ վաշտի եւ ՃՈ 1-ին գումարտակի 4-րդ դասակի ծառայողները Երեւանի Հալաբյան փողոցի թիվ 53 շենքի մոտից, վիճաբանություն կատարելու կասկածանքով, Մաշտոցի բաժին բերման են ենթարկել 26-ամյա Արտյոմ Լ.-ին, որի ճակատի ու մարմնի տարբեր մասերում առկա են եղել կտրած-ծակած վերքեր:
Ոստիկանության մամուլի ծառայությունից հայտնում են, որ խուզարկությամբ նրա մոտ հայտնաբերվել է խոհանոցային դանակ:
Նույն օրը, ժամը 22.45-ին, հիվանդանոցից հաղորդում է ստացվել, որ «կրծքավանդակի հետին մակերեսի կտրած-ծակած վերքեր» ախտորոշմամբ բուժօգնության է դիմել 50-ամյա Հնձար Լ.-ն եւ հայտնել, որ «ֆիզիկայի ինստիտուտի» տարածքում իրեն վնասվածքը պատճառել է անհայտ անձը:
Մեկնած օպերատիվ խումբը պարզել է, որ Արտյոմ Լ.-ն եւ Հնձար Լ.-ն վնասվածքները ստացել են Հալաբյան փողոցում միմյանց հետ վիճաբանելիս:
Նրանք հրաժարվել են հաղորդում եւ բացատրություն տալուց:
Կատարվում է հետաքննություն: