ԱՄՆ-ի ավիացիան երեքշաբթի Բաղդադի մոտակայքում նոր ավիահարվածներ է հասցրել «Իսլամական պետության» գրոհայիններին, փոխանցում է ԱՄՆ ՊՆ կայքը:
Ըստ գերատեսչության` վերջին երկու օրերին ԱՄՆ ավիացիան երեք ավիահարված է հասցրել ԻՊ գրոհայիններին` Բաղդադի մերձակայքում: Այդ հարվածների հետեւանքով ոչնչացվել են գրոհայինների զենիթային սարքավորումներ, իսլամիստների մի փոքր խումբ եւ երկու նավակ, որոնցով գրոհայինները սպառազինություն են տեղ հասցրել այդ շրջան, փոխանցում է «ՌԻԱ Նովոստին»:
Ավիացիան նաեւ երկու հարված է հասցրել Էրբիլից հյուսիս-արեւմուտք ընկած հատվածում` ոչնչացնելով մեկ բեռնատար եւ իսլամիստների տեղակայման վայրը: ԱՄՆ ավիացիան Իրաքում ընդհանուր առմամբ 167 ավիահարված է հասցրել ԻՊ գրոհայինների ուղղությամբ: