Ոստիկանության քրեական հետախուզության գլխավոր վարչության եւ «Զվարթնոց» օդանավակայանի գծային բաժնի ծառայողները, սեպտեմբերի 16-ին, ժամը 04.30-ին, օդանավակայանից հայտնաբերել եւ ոստիկանության ՔՀԳՎ բերման են ենթարկել 40-ամյա Ալբերտ Ա.-ին:
Ոստիկանության մամուլի ծառայությունից հայտնում են, որ նա փետրվարի 15-ից ՌԴ Կարաչաեւո-Չերկեսսկի Հանրապետության ՆԳՆ Ադիգե-Խաբլսկի ՆԳԲ կողմից հետախուզվում էր ՌԴ քրեական օրենսգրքի 327 հոդվածի 3-րդ մասի /փաստաթղթեր, դրոշմներ, կնիքներ, ձեւաթղթեր կեղծելը, իրացնելը կամ օգտագործելը/ հատկանիշներով նախատեսված հանցագործություն կատարելու համար: