Հոնկոնգցի գործարար Սթիվեն Հունը Rolls-Royce Phantoms մակնիշի 30 ավտոմեքենա է պատվիրել՝ ռեկորդային 20 մլն դոլար գումարով, գրում է The Financial Times-ը: Ինչպես գրում է թերթը՝ սա պատության մեջ ամենախոշոր մեկ անգամյա պատվերն է:
Հունն իր նոր գնված ավտոմեքենաներով ծրագրում է հաճախորդներին հասցնել նորակառույց Louis XIII հյուրանոց-խաղատուն, որի պենթհաուսի 1 օրվա արժեքը կազմում է 130 հազար դոլար: Պատվիրված ավտոմեքենաներից երկուսը Phantoms-ի ամենթանկ մոդելներն են, դրանց արժեքը մոտ 1 մլն դոլար է, ասվում է հոդվածում, հաղորդում է Gazeta.ru-ն:
Մեծահարուստի խոսքով՝ Louis XIII-ի եւ Rolls-Royce Motor Cars-ի փիլիսոփայությունը միանման է. երկու ընկերություններն էլ իրենց ծառայություններն առաջարկում են «առավել խստապահանջ հաճախորդներին»: Պարբերականն, իր հերթին հիշեցնում է, որ գործարարն առնվազն 4 Rolls-Royce մակնիշի սեփական ավտոմեքենա ունի: Louis XIII-ի բացումը ծրագրվում է 2016թ.-ին: