ԱՄՆ-ի նախկին նախագահ Բիլ Քլինթոնը շոտլանդացիներին կոչ է արել «ոչ» ասել վաղը՝ սեպտեմբերի 18-ին, կայանալիք Շոտլանդիայի անկախության հանրաքվեին: Նա ասել է, որ պետք չէ բարդացնել «հակամարտություններից տանջված աշխարհի» վիճակը:
ԱՄՆ-ի նախկին նախագահը մինչեւ օրս այս հարցի շուրջ հրապարակային իր տեսակետը չի հայտնել, քանի որ «դա պետք է շոտլանդացիները որոշեն»:
Սակայն, Քլինթոնն, այդուհանդերձ, որոշել է Շոտլանդիայի ժողովրդին կոչ անել պահպանել Միացյալ Թագավորության ամբողջականությունը, քանի որ Շոտլանդիայի անկախության հռչակման դեպքում ֆինանսական եւ քաղաքական անորոշության հետ կապված ռիսկեր է տեսնում:
«Հույս ունեմ, որ ի կարծիքը կընկալվի բարեկամական ոգով», - հայտարարել է Բիլ Քլիթոնը: