Ազգային ժողովի ոչ իշխանական երեք ուժերի՝ ԲՀԿ-ի, ՀԱԿ-ի եւ «Ժառանգության» հանրահավաքին գնահատական է տրվելու տասներկու կետերի կատարմանը, ինչպես նաեւ անդրադարձ է լինելու Սահմանադրական բարեփոխումներին։ Այսօր՝ սեպտեմբերի 17-ին, քառյակի նիստից հետո լրագրողների հետ զրույցում ասաց ԱԺ ԲՀԿ խմբակցության քարտուղար Նաիրա Զոհրաբյանը։
Թե ովքեր են ելույթ ունենալու, Նաիրա Զոհրաբյանը չհայտնեց՝ նշելով, որ առաջիկայում եռյակի նիստ կհրավիրվի եւ այդ հարցերը կքննարկվեն։
Հարցին՝ արդյոք անդրադարձ է լինելու Հայաստանի՝ Եվրասիական տնտեսական միությանը անդամագրելուն, ԲՀԿ-ական պատգամավորը պատասխանեց, որ այսպիսի հարց նիստերին չի քննարկվել։
Նշենք, որ եռյակի նիստը տեղի կունենա հոկտեմբերի 10-ին Ազատության հրապարակում։ ՀՅԴ-ն չի մասնակցելու հանրահավաքին, որովհետեւ դեմ է Սահմանադրական բարեփոխումների մասին անդրադարձին։
Հիշեցնենք, որ քառյակն իր կետերը հրապարակել է հունիսի 10-ին եւ ժամանակ տվել իշխանություններին՝ իրենց պահանջները կատարելու համար:
Այդ կետերը վերաբերվում են կուտակային կենսաթոշակային համակարգին, շրջանառության հարկին, կարմիր գծանշումներին, գյուղմթերքի արտադրությանը, «Նաիրիտ» գործարանին, «Որոտան» ՀԷԿ-երի համալիրի գույքի վաճառքին, տրանսպորտի թանկացմանը, 100 տոկոսանոց համամասնական ընտրակարգին: