Photokina 2014 ցուցահանդեսում ներկայացված Panasonic-ի ֆոտոխցիկ-հեռախոսը զարմացրել է այցելուներին:
Մենք սովորել ենք, որ ժամանակակից բոլոր սմարթֆոններն ունեն ֆոտոխցիկ, որոնք, անկախ բնութագրից, տարբեր որակի լուսանկարներ են անում:
Եվ ահա Panasonic-ը որոշել է իր ճանապարհով գնալ. Ճապոնական արտադրողը ներկայացրել է հզոր Panasonic Lumix CM1 ֆոտոխցիկը, որը հետաքրքիր առանձնահատկություն ունի. կատարում է նաեւ սմարթֆոնի գործառույթներ, հայտնում է Informing.ru-ն:
Panasonic-ի նորույթն ունի ճոխ օբյեկտիվ՝ մեխանիկական Leica DC Elmarit փականակով:
Անսովոր ֆոտոխցիկը, որը ստացել է Lumix CM1 սմարթֆոն անվանումը, հաջողությամբ կատարում է Android 4.4 KitKat-ով աշխատող սմարթֆոնի բոլոր գործառույթները: Այսպիսով, Panasonic –ը հետաքրքիր միքս է ստեղծել՝ «ֆոտոխցիկ, որով կարելի է զանգահարել»: Այն ունի գեղեցիկ դիզայն եւ տեխնիկական գերազանց բնութագիր:
