Հայաստանի Եվրասիական միություն մտնելու որոշումը չպետք է դիտարկվի որպես խոչընդոտ Հյուսիսատլանտյան դաշինքի հետ երկրի համագործակցության համար: Այս մասին սեպտեմբերի 17-ին «ՆԱՏՕ-ի գագաթաժողովի ազդեցությունը Հայաստանի եւ Հարավային Կովկասի վրա» թեմայով քննարկմանը հայտարարել է ՀՀԿ-ական պատգամավոր, Ազգային ժողովի պաշտպանու¬թյան, ներքին գործերի, ազգային անվտանգության հանձնաժողովի նախագահ Կորյուն Նահապետյանը:
Ըստ նրա՝ Հայաստանը կշարունակի վարել կոմպլեմենտար քաղաքականություն: «Յուրաքանչյուր երկիր իրավունք ունի ինքն ընտրել իր անվտանգության համակարգը, եւ այդ ընտրությունը չպետք է հավելյալ լարվածություն առաջացնի՝ տարածաշրջանում բախումներ ծագելու հավանականության տեսակետից», - ընդգծել է Կորյուն Նահապետյանը:
